Սիրելի՛ հաճախորդներ, ձեզ ենք ներկայացնում Երևան քաղաքում կառուցվող և գոյություն ունեցող թերևս ամենաֆունկցիոնալ բնակելի համալիրը՝ Bridgeview-ն։  Համալիրի անվանը համապատասխան գրեթե բոլոր հարկերից բացվում է  գեղեցիկ տեսարան դեպի Դավթաշենի կամուրջ և Արարատ լեռ, իսկ հակառակ կողմից՝ դեպի Արագած լեռը։ 
Շինարարությունը մեկնարկված է, ավարտը նախատեսվում է 2024 թվականի երկրորդ կեսին:
Համալիրը նախագծվել է ՀՀ-ում ամենահայտնի և մեծ փորձ ունեցող ճարտարապետական ընկերություններից մեկի՝   «ՆԱՐԵԿ ՍԱՐԳՍՅԱՆԻ ՃԱՐՏԱՐԱՊԵՏԱԿԱՆ ԱՐՎԵՍՏԱՆՈՑ» -ի կողմից։  
Համալիրի կառուցապատումն ու շինարարական աշխատանքերն իրականացնում է ՀՀ-ում ամենախոշոր, տասնամյակների փորձառություն և ավանդույթներ ունեցող   «ՀԱԷԿՇԻՆ» ՓԲԸ-ն։ 

«Բրիջվյու» -ի մասին 
Մտահաղացում։
«Բրիջվյու»-ն ստեղծելիս նախագծողների առջև դրված է եղել խնդիր նախագծել, բառի բուն իմաստով, բազմաֆունկցիոնալ  բնակելի համալիր՝ 21-րդ դարի միջազգային բարձր չափանիշներին համապատասխանող միջավայր, որտեղ ամենատարբեր նախասիրությունների և տարիքային խմբերի  բնակիչներին հասանելի կլինեն  հարմարավետ և անվտանգ բնակվելու, ժամանցն ու հանգիստը կազմակերպելու բազմաթիվ ծառայություններ և հարմարություններ։  

Ի՞նչ ստացվեց։
Նախագծողների թիմը գերազանց լուծեց իր առջև դրված խնդիրը։
Նախագծվեց 4 հարկ ստորգետնյա աննախադեպ ավտոկայանատեղիով և 22 վերգետնյա հարկերով, գեղեցիկ և բարձրաճաշակ ճարտարապետական լուծումներով, 158 եզակի բնակարաններով  և գերհագեցած ծառայությունների փնջով բնակելի համալիր։

Ինչու՞ է «Բրիջվյու» ամենահարմար և հագեցած միջավայրը բնակվելու համար։ 
Առաջին հերթին՝   «Բրիջվյու» ընտանեկան բնակելի համալիր է ․ 

1․Գիտե՞ք, որ «Բրիջվյուի» 2-րդ հարկում կա մանկահասակ ԵՐԵԽԱՆԵՐԻ ՀԱՄԱՐ ՆԱԽԱՏԵՍՎԱԾ  ԽԱՂԱՍԵՆՅԱԿ, որտեղ  մայրիկները կարող են իրենց երեխաներին թողնել և մարզվել հարևան սենյակներում՝  ՄԱՐԶԱՍՐԱՀՈՒՄ ԿԱՄ ՅՈԳԱՅԻ ՍԵՆՅԱԿՈՒՄ։  Մարզասրահն ու յոգայի սենյակը նախատեսված են ոչ միայն մայրիկների այլ նաև համալիրի բոլոր բնակիչների համար, ունեն համապատասխան տեխնիկական հագեցվածություն և հասանալի են օրվա ցանկացած ժամի։ 

2․ Եթե չեք կարողանում կենտրոնանալ և կատարել հրատապ ու կարևոր աշխատանքը տանից կամ չունեք առանձնացված աշխատասենյակ, կարող եք օգտվել  համալիրի 2-րդ հարկում նախագծված  ՀԱՄԱՏԵՂ ԱՇԽԱՏԱՍԵՆՅԱԿԻՑ, որտեղ ապահովված են  բոլոր հարմարություններն աշխատանքային համապատասխան մթնոլորտ ստեղծելու համար։

3․ Խոսենք ամենահամեղ պահերից։  Եթե դուք բնակվում եք «Բրիջվյու» համալիրում, ապա մենք առանձնահատուկ ենք մտածել ձեր ընտանեկան խնջույքները, ծնունդները և հավաքույթներն անցկացնելու մասին։ Համալիրում առանձնացված է խորոված պատրաստելու անկյուն, իսկ ՀԱՆԴԻՍՈՒԹՅՈՒՆՆԵՐԻ ՍՐԱՀԸ գտնվում է անմիջապես համալիրի ներսում ։ Ձեր ՀՅՈՒՐԵՐԻ ՄԵՔԵՆԱՆԵՐԻ ԵՎ ՏԱՔՍԻՆԵՐԻ ԿԱՅԱՆՄԱՆ ՎԱՅՐԸ կստեղծի լրացուցիչ հարմարավետություն ոչ միայն ձեր, այլև հրավիրվածների համար ։ 

4․ Անցնենք սպորտային ժամանցին, ի՞նչ կասեք․․․ «Բրիջվյու» համալիրում մեծ նրբանկատությամբ ենք վերաբերվել այս հարցին՝ հաշվի առնելով բնակիչների տարբեր սպորտային նախասիրությունները։ Բացի վերը նշված ՄԱՐԶԱՍՐԱՀԻՑ և ՅՈԳԱՅԻ ՍԵՆՅԱԿԻՑ  համալիրի տարածքում դուք հնարավորություն կունենաք խաղալու ԲԱՍԿԵՏԲՈԼ,  ՖՈՒՏԲՈԼ։ Ամառվա շոգ և տոթ օրերին  օգնության կգա ԼՈՂԱՎԱԶԱՆԸ։ Դե, իսկ ամենափոքրիկների համար համալիրի բացօթյա հատվածում ունենք ընդարձակ ու անվտանգ ԽԱՂԱՀՐԱՊԱՐԱԿ։ 

5․ Իսկ հիմա ակտուալի մասին։ ՔԱՌԱՀԱՐԿ ԱՎՏՈԿԱՅԱՆԱՏԵՂԻ, ուր գործում է տեսահսկման, ինչպես նաև հակահրդեհային ահազանգման և հրդեհաշիջման համակարգ։ Հաշվի առնելով էլեկտրոմոբիլների մշակույթի զարգացման նախադրյալները Հայաստանում՝ մենք նախատեսել ենք նաև ԷԼԵԿՏՐԱԿԱՆ ՄԵՔԵՆԱՆԵՐԻ ԼԻՑՔԱՎՈՐՄԱՆ ԿԱՅԱՆ հենց համալիր ներսում։ Դու տպավորված ես․․․․ մենք դա գիտենք։))  Չենք մոռացել նաև հեծանվասերների մասին։ Հեծանվասերնե՛ր, քանի որ մենք գիտենք, թե դուք ինչ հաճախ եք հանդիպում հեծանիվն ապահով տեղ կայանելու խնդրին, մենք նախագծել ենք ՀԵԾԱՆԻՎՆԵՐԻ ԿԱՅԱՆԱՏԵՂԻ  հատուկ ձեզ համար։ 

6․ Համալիրի բնակիչների  բնականոն կենցաղն ավելի  կազմակերպված, կոկիկ, անվտանգ ու հարմարավետ դարձնելու համար, մենք պարզապես չէինք կարող չանդրադառնալ ՆԱԽԱՍՐԱՀԻՆ (ԿՈՆՍԻԵՐԺ 24/7),  ՀԱՍԱՐԱԿԱԿԱՆ ԵՎ ԸՆԴՀԱՆՈՒՐ ՕԳՏԱԳՈՐԾՄԱՆ ՏԱՐԱԾՔՆԵՐԻ ՄԱՔՐՈՒԹՅԱՆՆ ՈՒ ԱՂԲԱՀԱՆՈՒԹՅԱՆԸ։ Համալիրի առաջին հարկում նախագծված է մեծ և լուսավոր նախասրահ, գործելու է շուրջօրյա Կոնսիերժ  ծառայություն։ Համալիրի ներքին և արտաքին ընդհանուր օգտագործման տարածքների պահպանությունը, սպասարկումն ու մաքրությունը նախատեսված է իրականացնել պրոֆեսիոնալ անձնակազմի շնորհիվ։ Համալիրի յուրաքանչյուր հարկում  նախատեսված է փակ փոքրիկ  սենյակ, որտեղ բնակիչները կարող են թողնել իրենց կենցաղային աղբը, իսկ շենքի սպասարկումն իրականացնող մաքրուհիներն ամեն օր մի քանի անգամ կիրականացնեն աղբահանությունը։ 

7․ Կենդանասերների համար։ Ընտանի կենդանիներ ունեցող մեր բնակիչները կարող են օգտվել  համալիրում գործող ԸՆՏԱՆԻ ԿԵՆԴԱՆԻՆԵՐԻ ԽՆԱՄՔԻ ՀԱՄԱՐ ՆԱԽԱՏԵՍՎԱԾ ՀԱՏՎԱԾԻՑ , որտեղ կարող են այցելել զբոսանքից հետո,  լվանալ և մաքրել  «փոքրիկին» մինչև բնակարան բարձրանալը։ 

8․ Ամենակարևորի մասին։ «BMS»․ ի՞նչ է սա նշանակում, Building management system՝  շենքի ավտոմատացված կառավարման համակարգ։ Ինչ 21-րդ դարի շենք առանց  ավտոմատացված կառավարման համակարգի։ «Բրիջվյու» - ն միակն է Հայաստանում, որտեղ նախագծված է և իրականացվելու է շենքի ավտոմատ կառավարում։ Բնակիչներն ունենալու են անցակետային քարտեր՝ վերելակների, ընդհանուր օգտագործման սենյակների և համալիրի մուտքի համար։  BMS համակարգի հավելվածը թույլ կտա ծանուցումներ ուղարկել բնակիչներին և կառավարումն իրականացնող անձնակազմին, համալիրի ինժեներական հատվածի թերությունների կամ խափանումների մասին, ինչպես նաև կարգելափակի  անկարգապահ և անպարտաճանաչ բնակչի քարտը և հասանելիությունը համալիրի ընդհանուր օգտագործման տարածքներին։